Kosningaréttur

Norrænir ríkisborgarar hafa kosningarétt og geta boðið sig fram til bæjar- og sveitastjórnarkosninga í Finnlandi. Norrænir ríkisborgarar hafa einnig kosningarétt í leiðbeinandi allsherjaratkvæðagreiðslum bæjarstjórna og einnig þegar kosið er til Evrópuþingsins, en þó með vissum skilyrðum. 

---

Sveitarstjórnarkosningar og aðrar atkvæðagreiðslur hjá sveitarfélögum

Finnskir ríkisborgarar og ríkisborgarar frá öðrum aðildarríkjum Evrópusambandsins, Íslandi og Noregi geta kosið í sveitastjórnarkosningum og öðrum atkvæðagreiðslum hjá sveitarfélögum í Finnlandi þegar þeir hafa náð 18 ára aldri á kosningadegi og átt lögheimili í viðkomandi sveitarfélagi samkvæmt þjóðskrá í a.m.k. 51 daga fyrir kosningadag, samkvæmt lögum um lögheimili (2001/1994).

Einstaklingar sem hafa kosningarétt í viðkomandi sveitarfélagi, geta einnig farið í framboð í sömu kosningum ef þeir eru ekki sviptir forræði.

---

Kosningar til Evrópuþingsins 

Ríkisborgarar frá öðrum ESB-ríkjum sem náð hafa 18 ára aldri á kosningadaginn og eiga lögheimili í Finnlandi, mega samkvæmt lögum um lögheimili (2001/1994) kjósa í Finnlandi til Evrópuþings að því tilskildu að þeir hafi ekki glatað kosningarétti í því aðildarríki ESB sem þeir eru ríkisborgarar. Til þess að geta nýtt kosningarétt sinn í Finnlandi þurfa ríkisborgarar frá öðrum ESB-ríkjum þó að senda skriflega umsókn til skrifstofu í viðkomandi sveitarfélagi eigi síðar en 80 dögum fyrir kosningadag. Þeir sem hafa kosningarétt mega aðeins kjósa í einu ríki í sömu kosningum til Evrópuþings.

Allir einstaklingar sem mega kjósa og hafa skráð sig á kjörskrá í viðkomandi sveitarfélagi og hafa ekki glatað kosningarétti í heimalandi sínu geta boðið sig fram í kosningum í Finnlandi til Evrópuþings. Þó gilda aðrar reglur fyrir einstaklinga sem starfa við stofnanir Evrópusambandsins.

---

Þing- og forsetakosningar 

Einungis finnskir ríkisborgarar hafa kosningarétt og eru kjörgengir við þing- og forsetakosningar. Kjörskrá er gerð á Hagstofunni 51 degi fyrir kosningar, sem þýðir að aðeins þeir finnsku ríkisborgarar sem eru skráðir sem finnskir ríkisborgarar áður en kjörskrá er gerð, hafa kosningarétt.

Dómsmálaráðuneytið: (Vaalit.fi).