Finnskur ríkisborgararéttur

Finnskt ríkisfang fæst ýmist sjálfkrafa við fæðingu, með því að tilkynna um ósk sína eða sækja um það. Það er Útlendingastofnun (Migrationsverket . http://www.migri.fi) sem úrskurðar hvort viðkomandi fái, haldi eða glati finnsku ríkisfangi. Fjallað er um finnskt ríkisfang í lögum (359/2003, breyt. 974/2007, http://www.finlex.fi/sv/laki/alkup/2003/20030359) sem gengu í gildi 1. júní 2003.

Finnskt ríkisfang við fæðingu

Barn fær finnskt ríkisfang við fæðingu ef móðirin er finnskur ríkisborgari eða ef faðirinn er finnskur ríkisborgari og giftur móður barnsins. Barn fær einnig finnskt ríkisfang ef það fæðist í Finnlandi og hægt er að staðfesta að faðir þess sé finnskur ríkisborgari.

Umsókn um finnskan ríkisborgararétt

Einstaklingur sem hefur áður verið finnskur ríkisborgari eða ríkisborgari á Íslandi, í Noregi, Svíþjóð eða Danmörku, getur öðlast finnst ríkisfang með því að tilkynna skriflega um ósk sína. Þá þarf hann að hafa átt lögheimili í Finnlandi í samfleytt sex ár og ekki verið dæmdur til fangelsisvistar.

Einstaklingur sem hefur glatað finnsku ríkisfangi en síðan verið samfleytt ríkisborgari á Íslandi, í Noregi, Svíþjóð eða Danmörku, fær finnskt ríkisfang með því að tilkynna um ósk sína þegar hann flytur til Finnlands.

Kröfur til umsækjenda um finnskt ríkisfang

Útlendingur sem getur sannað með fullnægjandi hætti hver hann sé getur sótt um finnskt ríkisfang ef:

hefur náð 18 ára aldrei eða gengið í hjónaband fyrir þann tíma
hefur verið búsettur í Finnlandi nægilega lengi áður en sótt er um
hefur hvorki gert sig sekan um refsiverðan verknað né verið úrskurðaður í nálgunarbann
hefur hvorki vanrækt framfærsluskyldu né greiðslur opinberra gjalda
getur gert grein fyrir tekjum sínum með fullnægjandi hætti og
hefur fullnægjandi vald á finnsku, sænsku eða finnsku táknmáli.

Yfirleitt er þess að krafist að umsækjandi hafi verið búsettur í Finnlandi í sex ár. Umsækjandi sem hefur áður haft finnskt ríkisfang eða er ríkisborgari á Íslandi, í Noregi, Svíþjóð eða Danmörku getur öðlast finnskt ríkisfang ef hann hefur verið búsettur í samfleytt tvö ár í Finnlandi og er það enn.

Undir vissum kringumstæðum er hægt að gefa undanþágu:

Makar

Maki finnsks ríkisborgara getur öðlast finnskt ríkisfang ef makarnir hafa búið saman í a.m.k. þrjú ár og gera það enn, ef umsækjandi hefur búið í Finnlandi samfleytt undanfarin fjögur ár eða samtals sex ár eftir að viðkomandi náði 15 ára aldri, þar af síðustu tvö ár samfleytt.

Meðumsækjendur

Meðumsækjandi undir 15 ára aldri getur öðlast finnskt ríkisfang ef hann á lögheimili í Finnlandi þegar umsóknin er afgreidd. Meðumsækjandi sem náð hefur 15 ára aldri getur öðlast finnskt ríkisfang ef hann við afgreiðslu umsóknar hefur átt lögheimili í Finnlandi samfleytt undanfarin fjögur ár eða samtals sex ár frá sjö ára aldri, þar af síðustu tvö árin samfleytt.

Börn

Forsjáraðili barns getur sótt um finnskt ríkisfang fyrir hönd þess, ef hann er sjálfur finnskur ríkisborgari og barnið býr hjá honum.

Barn sem náð hefur 15 ára aldri þegar umsóknin er afgreidd getur öðlast finnskt ríkisfang ef það hefur átt lögheimili í Finnlandi samfleytt undanfarin fjögur ár eða samtals sex ár frá sjö ára aldri, þar af síðustu tvö árin samfleytt.

Hafi barnið áður haft finnskt eða norrænt ríkisfang þarf barnið þó aðeins að hafa átt lögheimili í Finnlandi í tvö ár.

Tvöfaldur ríkisborgararéttur

Lagabreytingar frá 1. júní 2003 heimila finnskum ríkisborgurum að halda ríkisfangi sínu þótt þeir öðlist einnig ríkisborgararétt í öðru ríki. Þegar útlendingi er veittur finnskur ríkisborgararéttur er þess ekki krafist að hann afsali sér fyrri ríkisborgararétti sínum.

Fannstu ekki það sem þú leitaðir að?

Síðast uppfært 27.10.2009