Vörur og þjónusta

Í Finnlandi er stundum farið fram á að einstaklingar hafi finnska kennitölu þegar samið er um þjónustu. Hafi menn ekki finnska kennitölu getur það haft áhrif á hvaða þjónusta stendur til boða.

Neytendastofnun (www.kuluttajavirasto.fi) vinnur að því að auka öryggi og stöðu neytenda í þjóðfélaginu. Verksvið hennar eru allar neysluvörur og þjónustur og viðskipti á ýmsum stigum. Neytendaráðgjöf er opin alla virka daga kl. 9.00-15.00 í síma +358 (0)71 873 1901 (finnska) og +358 (0)71 873 1902 (sænska). Ráðgjafarþjónustu fyrir neytendur á sveitarfélagsskrifstofum er að finna á vefslóðinni Kuluttajavirasto/Konsumentverket.

Hægt er að leita aðstoðar hjá Neytendaráðgjöf Neytendastofu. Neytendaráðgjöf veitir upplýsingar um réttindi og skyldur neytenda, úrræði þegar upp kemur ágreiningur milli neytenda og fyrirtækja og ráðgjöf í málum sem varða t.d. húsnæðismál og fasteignaviðskipti.

---

Farsímaáskrift 

Farsímafyrirtæki geta gert kröfu um að maður framvísi finnskri kennitölu eða bráðabirgðakennitölu þegar skrifað er undir áskriftarsamning. Þegar maður greiðir fyrirfram fyrir þjónustuna er ekki krafa um kennitölu. 

---

Nettenging 

Símafyrirtæki geta krafist þess að maður sýni finnska kennitölu eða bráðabirgðakennitölu þegar skrifað er undir samning um nettengingu. 

Skylt er að greiða afnotagjald af sjónvarpi ef hægt er að taka á móti stafrænu eða flaumrænu sjónvarpi á heimilinu. Sjónvarpstækin eru skráð hjá Kommunikationsverket (www.viestintavirasto.fi). Gefa þarf upp finnska kennitölu við skráningu sjónvarpstækis.