Dagvistun barna og skólar

Dagvistun barna

Algengasta dagvistun barna undir skólaaldri eru leikskólar reknir af sveitarfélögum (leikskólar og dagforeldrar) eða einkareknir leikskólar eða sjálfstætt starfandi dagforeldrar. Þá er hægt að fá umönnunargreiðslur fyrir að gæta barna sinna heima fyrir.

Öll börn undir skólaaldri eiga rétt á gæslu, annað hvort á leikskóla eða hjá dagforeldri. Sækja þarf um dagvistun fjórum mánuðum áður en gæslu er þörf. Gjöld fyrir þessa þjónustu eru greidd til bæjarfélagsins og upphæðin fer eftir tekjum heimilisins. Annar möguleiki er fyrir hendi og sá er að foreldrarnir geta valið að gæta barnsins heima fyrir og sækja um styrk frá Tryggingastofnun (Kela/FPA) sé barnið yngra en þriggja ára. Það er einnig hægt að sækja um styrk ef barnið er í gæslu hjá dagforeldri sem gætir barna á eigin vegum.

Frekari upplýsingar um gæslu barna undir skólaaldri er að finna á (FPA).

Styrkur til gæslu heima eða hjá dagforeldri: (FPA).

Listi yfir bæjar- og sveitarfélög í Finnlandi: (Suomi.fi).

---

Finnska skólakerfið 

---

Forskóli 

Kennsla hefst árið sem barnið verður sex ára. Forskólakennsla er ekki hluti af skólaskyldu, foreldrum er frjálst að velja.

Forskólakennslan heyrir undir grunnskólakerfið og í mörgum bæjarfélögum fer forskólakennslan fram annað hvort í samvinnu við grunnskóla eða leikskóla. Frekari upplýsingar um forskóla er að finna hér: (Utbildningsstyrelsen).

---

Grunnskóli 

Skólaskyldan hefst árið sem barnið verður sjö ára og stendur í níu ár.

Grunnskólinn er ókeypis fyrir alla nemendur og það er hvorki tekið greitt fyrir kennslu né kennsluefni. Börnin fá heita máltíð í skólanum og skólinn sér um að aka þeim börnum til og frá skóla sem búa meira en 5 kílómetra frá skólanum.

Hjá grunnskólum hins opinbera er aðalreglan sú að barnið gengur í þann finnsku- eða sænskumælandi skóla sem er næstur heimili þess. Þegar fjölskyldan flytur búferlum, eiga foreldrarnir þess barns sem á að ganga í skóla að hafa samband við skólastjórann í þeim skóla sem er næstur heimilinu. Það er að segja ef foreldrarnir vilja að barnið gangi í almennan skóla.

---

Framhaldsskólar 

Undir þennan flokk fellur kennsla á menntaskólastigi þar sem stefnt er að stúdentsprófi og grunn verknámsprófi verkmenntaskóla og iðnskóla. Stúdentspróf eða þriggja ár grunnpróf í iðnnámi gefur möguleika til að sækja um framhaldsmenntun á tæknibraut eða í háskólum.

Nemendur framhaldsskólanna eiga rétt á ókeypis kennslu, skólahjúkrun og ókeypis mat í skólanum. Nemendur eiga þó sjálfir að verða sér út um kennslubækur og kennsluefni. Nemendur á framhaldsskólastigi eiga rétt á námsstyrk frá Tryggingastofnun (Kela/FPA) ef foreldrarnir eru tekjulágir. Tryggingastofnun veitir einnig styrki til námsferða. Frekari upplýsingar um styrki frá Tryggingastofnun er að finna á (FPA).

---

Menntaskólar

Menntaskólarnir bjóða upp á alhliða menntun sem er góður undirstöðumenntun fyrir framhaldsnám. Sumir menntaskólar hafa síðan sérhæft sig á ákveðnum sviðum, svo sem leiklist, tónlist, raunvísindagreinum og íþróttum.

Menntaskólanáminu lýkur með stúdentsprófi þar sem nemandinn skal standast skriflegt próf í að minnsta kosti fjórum fögum. Af þessum fjórum fögum skal eitt þeirra vera móðurmálið, en það er eina skyldufagið. Próf eru haldin á vorin og haustin og getur nemandinn skipt prófum sínum niður á í mesta lagi þrjú próftímabil.

---

Undirstöðumenntun fyrir iðnnám

Nám við verkmenntaskóla tekur 1-3 ár. Iðnnám er meðal annars skipulagt af bæjar- og sveitarfélögum. Að vera í læri getur verið hluti prófsins, þá er átt við að ákveðið tímabil námstímans sé nemandinn í læri hjá fyrirtæki. Náminu lýkur með prófverkefni eða verklegu prófi.

Undirstöðumenntun fyrir verknám er að finna á félagsvísinda- og uppeldisbraut, menningarbraut, í samfélagsvísindum, viðskiptum og stjórnun, raunvísindum, tækni og samgöngum, á náttúru- og umhverfisbraut, félags-, heilbrigðis- og íþróttabraut og einnig á ferðamála-, veitingahúsa- og verslunarsviði.

---

Norrænn samningur um menntaskóla og undirstöðumenntun fyrir iðnnám

Samkvæmt norrænum samningi um framhaldsskólamenntun eiga nemendur annars staðar af Norðurlöndunum rétt á að ganga í menntaskóla eða á starfsnámsbraut í Finnlandi, án endurgjalds. Kostnaður við skólagönguna kemur í hlut skólans sem nemandinn flytur sig í. Meginregla samningsins er að hvorki nemandinn né fjölskylda hans fái greiddan útlagðan kostnað vegna náms í framhaldsskóla í öðru norrænu landi. Samningurinn á ekki við um einkarekna mennta- eða verknámsskóla.

Norrænir skólar vinna einnig saman að ákveðnu marki hvað varðar nemendaskipti. Einnig í þeim tilvikum er það sá skóli sem tekur við nemandanum sem greiðir kostnaðinn við skólagönguna og hefur líka rétt til að senda nemendur sem skiptinema til menntaskóla eða á verknámsbraut annars staðar á Norðurlöndunum.

---

Fannstu ekki það sem þú leitaðir að?